Ibinabala ng Commission on Elections na maaaring maharap sa kaso ang mga kandidatong makikisali sa distribusyon ng ayuda ng pamahalaan sa panahon ng halalan.
Ayon kay COMELEC Spokesman Atty. John Rex Laudiangco, maaaring kasuhan ang mga politiko at mga ahensya kapag pinayagan ang mga kandidato na makiisa sa pamamahagi ng ayuda.
Kasama sa mga programang pang-ayuda ng pamahalaan ang programa ng Department of Social Welfare and Development, Department of Labor and Employment, at Department of Health.
Mananagot naman ang mga masasangkot na kandidato sa election offense at criminal offense.
—sa panulat ni Roma Molina
