Hindi titigilan ni Senator Christopher Bong Go ang pagtutok sa PhilHealth hangga’t matiyak na napapakinabangan ng taumbayan ang mahusay na benepisyong pangkalusugan mula rito.
Ito’y hanggat hindi natutupad ng PhilHealth ang iba pa nilang pangako sa mga Pilipino tulad ng pagtaas ng case rates; pagpapalawak sa benefit packages at babaan ang premium contribution.
Ayon kay Senador Go, magsasagawa ng panibagong pagdinig ang Senate Committee on Health na kanyang pinamumunuan sa pagpasok ng bagong taon para masigurong ipinatutupad ng PhilHealth ang kanilang mandato at sinusolusyonan ang maraming mga isyu.
Bagamat marami ang nangangamba dahil sa proposed zero subsidy sa PhilHealth para sa 2025, hihikayatin ng mambabatas ang PhilHealth na gamitin ang sobra-sobrang pondo nito para hindi maantala ang pagpapalawak ng benepisyong pagkalusugan sa publiko.
