Nagsampa sa National Police Commission ng kasong adminstratibo ang mga pamilya ng mga nawawalang sabungero laban kina Philippine National Police Highway Patrol Group spokesman, Lt. Nadame Malang, at PNP Custodial Center warden, Maj. Reynaldo Pañebe Jr.
Ito’y dahil umano sa naging asal ng mga naturang pulis sa pamilya ng mga biktima na nais makausap ang mga naka-detineng whistleblower sa kaso na sina Julie, Jose, at Eliakim Patidongan.
Ayon kay NAPOLCOM Commissioner Rafael Calinisan, inutusan na niya ang Inspection, Monitoring, and Investigation Service ng komisyon na magsagawa ng motu proprio investigation sa mga kasong posibleng isampa laban kina Malang at Pañebe.
Samantala, ikinatuwa naman ni Police Colonel Marlon Santos, ang tumatayong tagapagsalita ni PNP Chief General Jose Melencio Nartatez Jr., ang naturang insidente, lalo na’t kapansin-pansin umano ang pagkaunti ng bilang ng mga kamag-anak ng mga nawawalang sabungero na dumadalo sa mga pagdinig ng korte.
Inalis na rin ng PNP sa puwesto sina Pañebe at Malang kaugnay ng reklamong administratibo na isinampa ng mga kaanak ng nawawalang sabungero. — sa panulat ni Anjo Riñon
