Natagpuan ng awtoridad ang isang katawan ng tao na walang ulo, walang kamay at mga paa, sa Cavite-Laguna Expressway (CALAX) Silang Cavite
Ayon sa mga pulis, nakatanggap sila ng tawag mula sa isang concerned citizen hinggil sa nakitang putol na katawan sa may kanal ng CALAX West Bound ng nasabing lugar.
Nakabalot ito sa itim na garbage bag at tanging mapagkakakilanlan dito ay ang tattoo nito sa kaliwang dibdib na pangalang ‘Hasmin’ at yinyang logo.
Ayon naman sa may hawak ng kaso, isa umano itong katawan ng lalaki at medyo may kaputian ang balat nito.
Inaalam din ng mga pulis kung ang mga sugat na nakita rito ay nagmula sa mga bala o saksak ng patalim.
May posibilidad na itinapon lamang ang nasabing putol na katawan sa nasabing lugar upang mailigaw ang imbestigasyon ng pulisya.
