Binawian ng buhay ang isang magsasaka matapos itakin ng kapwa magsasaka dahil sa benta ng gulay sa Gabaldon, Nueva Ecija
Ayon sa Gabaldon Police, ang nasawing biktima ay 71 anyos habang ang suspek ay isang 59-anyos na kapwa magsasaka
Sa imbestigasyon ng awtoridad, magkausap umano ang dalawa nang bigla umanong tanungin ng biktima sa suspek na bakit daw umano maliit ang naporsiyento nito sa kinita sa bagong aning sibuyas
Sa hindi malamang dahilan, kumuha ng itak ang suspek na siya nitong inihataw sa ulo at kaliwang binti ng biktima at mabilis na tumakas.
Agad na isinugod ng MDRRMO personnel sa Gabaldon Medicare Community Hospital ang biktima ngunit idineklarang dead-on-arival ng mga sumuring doktor.
Ilang oras matapos ang insidente, sumuko sa mga pulis ang suspek bitbit ang itak na ginamit sa krimen.
