Inaprubahan ni Pangulong Ferdinand Marcos Jr. ang pondo para sa Rice Subsidy ng Military Personnel.
Ito ang inanunsyo ni Pangulong Marcos kasabay sa pagpupulong ng Armed Forces of the Philippines (AFP) at Philippine National Police (PNP) sa Malacañang kamakailan lang.
Ayon sa Pangulo, prayoridad ng administrasyon ang kanilang pang-araw araw na buhay kaya inaprubahan nito ang pondo para sa rice subsidy.
Bukod dito, kinumpirma rin niyang aprubado na ang pondo para sa tertiary health care sa AFP medical center upang magkaroon ng advanced medical services at overall wellness support ang mga sundalo.
Samantala, tiniyak ni Pangulong Marcos ang commitment ng administrasyon na isulong ang kapakanan ng government troops at taasan ang pondo ng Department of National Defense para sa 2024.
