Bumaba ang presyo ng ilang pangunahing bilihin sa Metro Manila.
Ayon sa bantay presyo ng Department of Agriculture, umabot sa ₱7.30 hanggang ₱8.60 ang presyo ng medium size ng itlog, kumpara sa ₱7 hanggang ₱9 na presyo nito noong nakaraang linggo.
Naglalaro naman sa ₱140 hanggang ₱200 ang presyo ng kada kilo ng manok, kumpara sa ₱150 hanggang ₱220 na presyo ng kada kilo nito noong nakalipas na linggo.
Bumaba rin ang presyo ng baboy, kung saan nasa ₱290 ang presyo ng kada kilo ng liempo, kumpara sa ₱300 na presyo nito noong nakaraang linggo.
Habang nasa ₱270 hanggang ₱360 ang presyo ng kada kilo ng kasim, kumpara sa ₱275 hanggang ₱370 na presyo ng kada kilo nito noong nakalipas na linggo. - sa panulat ni Charles Laureta
