Nagsimula na ang pagdagsa ng mga pasahero sa mga pantalan ngayong holiday season.
Batay sa Oplan Biyaheng Ayos: Pasko 2023 update ng Philippine Coast Guard, umabot na sa 22,857 ang naitalang outbound passengers ng coast guard mula alas-dose ng madaling araw hanggang alas-sais ng umaga nitong Miyerkules.
Umabot na rin sa 20,272 ang inbound passengers sa lahat ng daungan sa buong bansa.
Nagpakalat na rin ng mahigit 2,000 frontline personnel sa 15 PCG Districts habang halos 200 na sasakyang-dagat na ang nainspeksyon at 84 na motorbancas.
Samantala, mula Disyembre 15 hanggang Enero 3, 2024 nanatiling naka heightened-alert ang district, stations at sub-station ang PCG upang umalalay sa mga dumadagsang pasahero papunta at pabalik sa mga pantalan. - sa panulat ni Raiza Dadia
