Hindi lang mga netizen sa social media, pati na rin ang mga magsasaka mismo, ang humanga sa aksyon ni Pangulong Ferdinand ‘Bongbong’ Marcos Jr. na pataasin ang buying price ng palay.
Ayon sa Department of Agriculture, lubos na nakikinabang ang mga magsasaka sa itinakdang bagong buying price ng National Food Authority o NFA sa pagbili ng palay.
Ano nga ba ang bagong price range ng palay at paano nakakatulong ang aksyong ito ni Pangulong Marcos Jr. sa mga magsasaka?
Tara, suriin natin yan.
September 18, 2023 pinangunahan ni Pangulong Marcos ang NFA council meeting para i-set ang bagong price range ng palay bilang “response to the changing production and market conditions.”
From now on, mabibili ang dry palay from 19 to 23 pesos per kilo at ang wet o fresh palay naman from 16 to 19 pesos per kilo.
Base ang desisyon na ito sa improving rate ng local rice production dahil sa harvest season. mababalanse nito ang interes ng mga magsasaka at konsyumer dahil maii-stabilize ang presyo ng bigas sa bansa.
Ayon sa ulat ng Department of Agriculture, nakinabang na ang mga magsasaka mula sa Dipolog City at Surigao Del Sur matapos nilang ibenta ang kanilang palay sa itinakdang price range. malaking tulong ang karagdagang kitang ito para sa mga magsasaka dahil pabor ang bagong price range ng palay para sa kabuhayan nila.
Ayon kay DA Undersecretary Leo Sebastian na hepe ng Rice industry development, bumaba ang rice imports sa local markets na magandang balita para sa mga magsasaka dahil mas na-prioritize sila.
Sa ilalim ng Republic Act 11203 O Rice Tarrification Law na nilagdaan ni Dating Pangulong Rodrigo Duterte noong February 14, 2019, maaaring bilhin ng nfa ang palay at bigas mula sa mga magsasaka para masiguro ang buffer stock ng bansa.
Sa ginawang aksyon ni Pangulong Marcos na pataasin ang pagbili ng presyo ng palay, nagkaroon ng pag-asa ang mga magsasaka at nagdulot ito ng sense of relief sa komunidad ng agrikultura.
Layon ng administrasyong marcos na palakasin ang kabuhayan ng mga magsasaka at balansehin ang presyo ng bigas kaya masasabing to the rescue si PBBM hindi lang sa mga magsasaka kundi sa mga konsyumer.
Sa iyong palagay, paano pa makakatulong ang administrasyong marcos na paunlarin ang kabuhayan ng mga magsasaka?
