Nananatili sa 19 na katao ang nawawala pa rin sa Basilan, matapos masunog ang isang pampasaherong barko.
Ayon kay Office of Civil Defense (OCD) Spokesperson, Undersecretary Raffy Alejandro, nagpapatuloy ang kanilang retrieval at recovery operations upang mailigtas ang iba pang biktima.
Sa huling datos ng OCD, pumalo na sa 32 ang nasawi dahil sa sunog, kung saan 19 ang hindi pa nakikilala dahil sa pagkatusta ng kanilang katawan.
Patungo sanang Jolo, Sulu ang MV Lady Mary Joy 3 mula sa Zamboanga City noong Marso 29 nang sumiklab ang apoy mag-a-alas-onse ng gabi.
Idineklara itong fire out alas-siyete y medya na ng umaga noong Marso 30.
