Tiniyak ni Immigration Commissioner Norman Tansingco ang mabilis na pag-proseso ng mga dokumento ng mga biyahero sa gitna ng pagdagsa ng mga turista dalawang araw bago mag-pasko.
Ayon kay Tansingco, naka-toka ang kanilang mga tauhan sa lahat ng mga counter upang i-proseso ang lahat ng dokumento sa loob ng 45 second international standard.
Ito’y dahil pinagbawalan anya ang lahat ng empleyado ng ahensya na mag-leave ngayong holiday.
Mababawasan naman ang processing time ng hanggang walong segundo para sa mga biyaherong filipino sa mga e-gate.
Batay sa datos ng BI Port Operations Division, nasa 35,000 arrivals kada araw at 29,000 departures ang ipino-proseso sa lahat ng international airports.