Idenepensa ni Foreign Affairs Secretary Alan Peter Cayetano ang naging boto ng Pilipinas kontra sa United Nations Resolution na nananawagang itigil ng Myanmar ang military campaign nito sa mga Rohingyan Refugees.
Ayon kay Cayetano, may tatlong dahilan kung bakit bumoto ng “No” ang Pilipinas.
Una rito aniya ay ang pangambang posibleng maghigpit ang Myanmar sa pumapasok na mga humanitarian aid sa kanilang bansa na makaaapekto sa mga international agencies na nagbibigay ng tulong sa mga rohingya.
Sinabi pa ni Cayetano na umiiwas din ang Pilipins sa mga isyung politikal at ikatlo ay kailangang ikunsidera ang mismong sitwasyon sa Myanmar.
Giit ni Cayetano, kung ang layunin ay ang makatulong sa mga Rohingya, mas makabubuting bumoto ng abstain o no.