Inihayag ng Department of Health (DOH) na maliit na porsyento lamang ang halaga ng mga bakunang nasayang na binili ng pamahalaan.
Ayon kay Health Officer-in-Charge Maria Rosario Vergeire, sa 134 million doses na COVID-19 vaccines, 2.9 million doses dito ang na-expire katumbas ng nasa 2.97% na vaccine wastage na nagkakahalaga ng P1.99-B.
Sa datos ng DOH, nasa mahigit 44% ang vaccine wastage sa private sector habang 33.34% naman sa mga local government unit.
Sinabi ng ahensya na patuloy pa nilang inaalam kung may mga nasayang na booster shot vaccine habang hinihintay pa ang Emergency Use Authorization ng Food and Drug Administration para sa planong pagbili ng limang milyong doses ng bivalent vaccine para sa susunod na taon.