Isinailalim sa lockdown ang isang classroom sa La Union matapos makitaan ng pagtaas ng kaso ng Hand Foot and Mouth Disease (HFMD).
Ito ay inirekomenda ni Schools Division Superintendent Rowena Banzon upang mapigilan ang pagkalat ng naturang sakit sa mga estudyante.
Inabisuhan din ni Banzon ang mga magulang ng mga apektadong bata na i-isolate muna ang mga ito hanggang sa makarekober ang mga bata.
Dagdag pa niya na 19 mula sa 33 classroom sa San Fernando City, La Union ang nakapag-ulat ng mga kaso ng HFMD.
Payo naman ni Banzon, dapat siguraduhin ng mga magulang na sinusunod ng kanilang mga anak ang tamang hygiene at minimum health protocols.
Una nang nagbabala si Infectious Disease Expert Dr. Rontgene Solante sa publiko na maaaring ideklara anumang oras ang outbreak ng HFMD dahil sa patuloy na pagtaas ng kaso nito. —sa panulat ni Hannah Oledan