Mapapabilang na sa Cash-for-Work Program ng Department of Social Welfare and Development (DSWD) ang mga Persons with Disabilities (PWDs).
Ayon kay Secretary Erwin Tulfo, madalas na napag-iiwanan o nakalilimutan ang sektor ng mga may kapansanan.
Maaari anyang makatanggap ang mga PWD ng hanggang P4,000 ayuda.
Gayunman, aminado ang DSWD na wala pang budget pero maaari namang hugutin ang pondo sa iba pang programa ng ahensya, tulad ng Kalahi-CIDSS Kapit Bisig Laban sa Kahirapan.
I-aapela rin ni Tulfo sa kongreso na mabigyan ng karagdagang pondo para sa buwanang pensyon ng mga PWD. —sa panulat ni Jenn Patrolla
