Muling hinikayat ng Department of Transportation (DOTr) ang publiko na samantalahin ang 24/7 Libreng Sakay sa EDSA Bus Carousel lalo na habang papalapit ang kapaskuhan.
Inaasahang nasa isandaang public utility buses ang gagamitin sa EDSA busway na bibiyahe mula Monumento sa Caloocan City patungong Parañaque Integrated Terminal Exchange (PITX).
Nagpasalamat naman ang DOTr sa iba’t ibang ahensya ng gobyerno, sa mga operator at driver naturang Carousel sa pagbibigay ng dekalidad na serbisyo para sa mga commuter.
Nabatid na taong 2020 nang simulan ang Libreng Sakay sa EDSA Carousel bilang bahagi ng Bayanihan to Recover as One Act na pinalawig hanggang sa huling araw ng taong ito.
