Planong pabilisin ng Department of Public Works and Highways (DPWH) ang pagtatayo ng mga paaralan sa buong bansa.
Ayon sa ahensya, kanilang gagamitin ang 3.1 billion pesos na allocated budget para sa School Building Program ngayong taon.
Ito’y para agad na matugunan ang pangangailangan ng mga guro at mag-aaral dahil sa kakulangan ng silid-aralan na nasira bunsod ng lindol at pananalasa ng nagdaang mga bagyo.
Sa naging datos naman ng DPWH, nasa mahigit 2.78 billion pesos ang kanilang natanggap para sa School Building Program kasabay ng natanggap na 409 million pesos na special allotment release order para sa kaparehong programa.
Nabatid na nasa mahigit 167,901 na classrooms parin ang hindi pa naaayos sa buong Pilipinas batay narin sa 2019 National School Building Inventory ng Department of Education (DepEd).
