Posibleng bumagsak ang presyo ng sibuyas pagsapit ng pasko kapag nagsimula na ang panahon ng anihan sa Disymebre.
Sinabi ni Hernan Andres, miyembro ng Bongabon Onion Farmers Association sa Nueva Ecija na umaasa sila na maganda ang magiging ani ngayong taon.
Nabatid na mula sa dating 180 pesos hanggang 190 pesos kada kilo ng sibuyas, pumalo ito ngayon sa 240 pesos hanggang 260 pesos kada kilo.
Kaugnay nito, nanawagan ang grupo sa pamahalaan na bigyan sila ng karagdagang tulong tulad ng mga gamit sa pagsasaka at mga buto upang maiangat ang kanilang kabuhayan.
Iginiit naman ni Andres na huwag na munang mag-angkat ng sibuyas ang gobyerno dahil mahihirapang makipagsabayan ang mga magsasaka sa presyuhan nito.
