Wala pa ring magaganap na Traslacion sa darating na kapistahan ng mahal na Itim na Nazareno sa Enero 9 ng susunod na taon.
Kinumpirma ito ng social communications ng Quiapo Church, kung saan sinabi nito na kahit patuloy ang kanilang mga paghahanda ay hindi pa rin magdaraos ng tradisyonal na Traslacion.
Layon anilang maging maayos at ligtas ang paggunita ng kapistahan ng Poon ng Itim na Nazareno.
Tuloy naman ang selebrasyon ng nasabing pista at maglalatag rin ng ilang mga aktibidad para rito ang pamunuan ng simbahan ng Quiapo. —sa ulat ni Aya Yupangco (Patrol 5)
