Sinuspinde ng Brooklyn Nets ang National Basketball Association (NBA) Superstar player na si Kyrie Irving matapos nitong magpahayag ng antisemetic beliefs.
Tumanggi namang humingi ng tawad si Irving na hiniling ni NBA commissioner Adam Silver na ikina-dismaya ng Brooklyn Nets.
Ayon sa koponan, hindi maganda ang pagtanggi ni Irving na humingi ng tawad lalo pa at nabigyan siya ng oportunidad na linawin ang sarili kung kaya’t sinuspinde ito ng limang laro ng walang bayad.
Humingi naman ng tawad si Irving makalipas ang apat na oras para sa mga Jewish family at community na nasaktan nito sa kanyang pahayag. —sa panulat ni Hannah Oledan
