Itinutulak ni Malasakit Bayanihan Party-List Rep. Anthony Rolando Golez Jr. sa kamara ang pagkakaroon ng minimum na sahod at pantay na benepisyo para sa rescue workers kasabay ito ng pananalasa ng bagyong paeng sa bansa
Ayon kay Golez, kailangang kilalanin ang sakripisyo ng mga rescue workers gayong iba-iba ang sahod na natatanggap ng mga ito depende sa kanilang lugar.
Aniya sa mga nakalipas na sakuna nakita ang pagbubuwis ng mga ito ng kanilang buhay para sa taumbayan
Nabatid na kamakailan lamang nang masawi ang 5 rescuer sa Bulacan sa kasagsagan ng paghagupit ng bagyong Karding
