Walang Overseas Filipino Workers (OFW) ang napaulat na nasaktan sa naganap na halloween matapos mauwi sa stampede sa Seoul, South Korea.
Sa isang panayam, sinabi ni Migrant Workers Secretary Susan Ople na bagama’t walang OFWs ang nasaktan sa naturang aksidente patuloy nilang minomonitor ang sitwasyon.
Sa kabilang banda, wala rin natanggap na ulat ang ahensya ng Department of Foreign Affairs sa mga pilipinong nasaktan sa insidente samantala, patuloy na nakikipag ugnayan ang embahada sa mga lokal na awtoridad kung sakaling may maapektuhang pilipino.
Samantala, binawian ng buhay ang 151 katao kabilang ang 2 dayuhan habang 150 indibidwal kasama na ang 15 pang dayuhan ang sugatan dahil sa stampede.
Pinaalalahan ng embahada ang mga pilipino sa bansang Korea na patuloy na mag ingat.
nagpahatid naman ng pakikiramay ang pangulo ng South Korea na si Yoon Sukyeol sa mga nasawing biktima. – sa panunulat ni Maze Alino- Dayundayon