Masayang-masaya ngayon ang Kapuso royal couple na sina Dingdong Dantes at Marian Rivera matapos isilang ang kanilang panganay na anak.
Ayon sa talent manager ni Marian na si Rams David, nanganak ang aktres, kaninang 5:25 ng madaling araw sa Makati Medical Center sa pamamagitan ng normal delivery.
Halos isang buong araw umano nag-labor ang primetime queen na binantayan at inalalayan naman ni Dingdong.
Pinangalanan ng mag-asawa ang kanilang baby girl na Maria Letizia na may timbang na 6.9 pounds.
Sa ngayon, nang-aabang na ang mga fans ng royal couple ng unang larawan ni Maria Letizia.
By Krista de Dios
