Nakalabas na ng Philippine Area of Responsibiliity (PAR) ang Bagyong Neneng alas-8 kagabi at kasalukuyang kumikilos patungong Southern China.
Ayon kay PAGASA weather specialist Aldczar Aurelio, nasa labas man ang naturang bagyo, apektado parin nito ang kanlurang bahagi ng Northern Luzon.
Nakakaapekto parin ang hanging nagmumula sa timog kanlurang bahagi ng Southern Luzon at Visayas.
Asahan naman ang pulu-pulong pag-ulan, pagkulog at pagkidlat sa Pacific Ocean sa bahagi ng Visayas at posibleng bumuo ng Low Pressure Area (LPA).
Magiging maulap naman ang kalangitan na may tiyansa ng mga kalat-kalat na pag-ulan at thunderstorm sa Ilocos Province at Palawan.
Maaliwalas naman ang mararanasan sa nalalabing bahagi ng Luzon pero asahan ang mga thunder storm na nagreresulta ng biglaang pagbuhos ng ulan lalo na sa hapon hanggang sa gabi.
Nakataas parin ang gale warning signal ng pagasa partikular na sa Northern at Wester Coast ng Northern Luzon, maging sa Batanes, Babuyan Islands, Ilocos Norte, Ilocos Sur, La Union, at Pangasinan kaya hindi muna pinapayagan na pumalaot ang mga kababayan nating mangingisda at maliliit na sasakyang pandagat.
