Arestado ang isang security guard matapos mangholdap sa isang gasoline station sa Purok 3 brgy. Bonbon, Aloguinsan, Cebu.
Ayon sa mga otoridad, sakay ng motorsiklo ang suspek na kinilalang si Reynato Joverin Sarquilla, 46-anyos, at nagdeklara ng holdap kasabay ng pagpapaputok nito ng baril.
Mabilis na rumesponde ang mga pulis at agad na nagkasa ng hot pursuit operation kung saan, napag-alaman na ang suspek na si sarquilla ay isang sekyu sa Pinamungajan District Hospital.
Naaresto ang suspek matapos makita sa isang cctv footage ang nakaparking na motor nito sa nasabing ospital.
Nakuha sa suspek ang P4,250 at isang .45 caliber na baril na naglalaman ng dalawang bala.
Ayon sa suspek, nagawa niyang mangholdap dahil hindi umano siya, pinasahod ng tatlong buwan sa kaniyang pinapasukang ospital.
Hawak na ngayon ng Aloguinsan custodial facility ang suspek at nahaharap sa kaukulang kaso.
