Nagdagdag ng pwersa ang Armed Forces of the Philippines (AFP) sa Northern at Central Luzon.
Ayon kay AFP Northern Luzon Command (NoLCom) commander Lieutenant General Ernesto Torres Jr., bahagi ito ng internal security operations laban sa mga natitirang communist terrorist sa lugar.
Mismong si Torres ang sumalubong sa mga miyembro ng 4th Marine Brigade at Marine Battalion Landing Team 8 sa Laoag International Airport sa Laoag City, Ilocos Norte.
Panibagong misyon ito para sa mga sundalo matapos ang anim na taong paglaban sa banta ng terorismo sa Sulu.
