Natupok ng apoy ang isang sikat na kainan na nagsimula sa kusina ng Annabel’s restaurant sa Quezon City.
Ayon sa Bureau of Fire Protection (BFP), nilamon din ng apoy ang function room ng ikalawang palapag ng nasabing restaurant pero agad naman itong naapula ng kanilang mga tauhan.
Sa imbestigasyon ng mga otoridad, sinasabing gas leak ang naging sanhi ng sunog at tinatayang nasa P4 milyon ang naitalang pinsala.
Wala namang naiulat na nasaktan sa naturang sunog.
