Tiklo ang founder ng isang kumpanya na nag-o-offer ng investment scheme sa Binalbagan, Negros Occidental.
Nahuli ng Negros Occidental Police Office – Provincial Intelligence Unit at ng Binalbagan Philippine National Police (PNP) si Henjie Cuadra na itinuturong isa sa mga founder ng kumpanyang nago-offer ng investment scheme.
Ayon sa ibang biktima, sa umpisa lamang sila nakatikim ng “pay-out” kung kaya’t naengganyo ang mga ito na mag-invest.
Kaugnay nito, sinabi ng mga biktima na mayroong iba’t-ibang team ang sumali sa investment scheme ngunit sa grupo pa lamang nila ay nasa 150 milyong piso na ang nalikom ng kumpanya.
Samantala, Syndicated Estafa ang isinampang kaso laban sa suspek at iba pa nitong kasamahan, kung saan walang karampatang piyansa ang naturang kaso.
