Nagpositibo sa COVID-19 si Vigan City Mayor Bonito Singson.
Sa abiso na inilabas ng Vigan City Government, lumabas nitong Miyerkules ang resulta ng COVID test ng alkalde.
Nakararanas si Singson ng sintomas ng virus at kasalukuyang naka-quarantine.
Tiniyak ng lokal na pamahalaan na hindi maaapektuhan ang operasyon ng city hall at mananatiling bukas sa publiko ang lahat ng tanggapan at departamento.
Pinaalalahanan naman ang mga residente na panatilihin ang pagsunod sa health protocols sa gitna ng biglaang surge ng transmission ng nakahahawang sakit.
