Mahigit isang libong mga personalidad ang inimbitahan upang dumalo sa unang State of the Nation Address (SONA) ni Pangulong Ferdinand “Bongbong” Marcos Jr.
Ayon kay House Secretary General Mark Llandro Mendoza, aabot sa 1,365 na mga imbitasyon ang inilabas para sa unang SONA ng punong ehekutibo.
Kabilang sa mga imbitado sina Vice President Sara Duterte, mga dating pangulo, bise presidente, speakers, at senate presidents, at maging ang mga diplomatic corps, justices, at miyembro ng gabinete ni Marcos Jr.
Sinabi pa ni Mendoza na nagkaroon ng minor revisions at nakikipag-ugnayan na ang House of Representatives sa iba’t-ibang ahensya ng gobyerno para sa idaraos na sona sa Hulyo a-25.
