Nakapagtala ang Department of Health (DOH) ng 2,588 bagong nahawa sa COVID-19 kahapon.
Ayon sa DOH, ito na ang pinakamataas na bilang na naitala simula noong Pebrero 16.
Sumampa naman sa 18,090 ang aktibong kaso kumpara sa 16,244 noong Huwebes.
Nangunguna sa may pinakamaraming kaso sa nakalipas na dalawang linggo ang NCR na may 8,971; CALABARZON na may 4 ,640 at Central Luzon na May 1,899.
Nananatili naman sa 60,461 ang bilang ng nasawi habang 3,649,239 ang gumaling sa COVID-19.
Sa kabuuan, pumalo na sa 3,727,970 ang COVID-19 cases sa bansa.
