Nanawagan ang Department of Agriculture (DA) sa mga traders, hog raisers at ahensya ng pamahalaan na magtulungan para mapigilan ang pagkalat ng African Swine Fever (ASF).
Ito ay matapos ilabas ni Pangulong Rodrigo Duterte ang derektiba na pigilan ang pagkalat ng naturang sakit sa baboy.
Ayon kay DA Spokesperson Assistant Secretary Noel Reyes, nakasaad sa inutos ng Pangulo na makipagtulungan ang ibang ahensya sa kanila.
Ang order talaga ay for the other agencies to coordinate and to help support the efforts of Department of Agriculture kasi inter-agency na po ito, syempre may DILG yan, may DOH at lahat na para ma-contain, ma-manage, ma-control ang ASF dito para ‘wag ng kumalat. Again we appreciate the cooperation of other agencies,” ani Reyes.
Dagdag pa ni Reyes, dapat ay wala nang mga pasaway na nagbebenta at bumibili pa rin ng mga ASF infected pigs.
Mayroon din aniyang ayudang ibinibigay ang DA para sa mga apektadong hog raisers.
Kailangan magsama-sama po tayo at wala pong pasaway na traders na namimili ng ASF infected pig. Umaapela po kami sa mga hog raisers mismo; yung maliliit ano, na ‘wag naman ipagbili kasi po kakalat lang yang virus. Para i-surrender lang nila mga baboy nila may sakit o wala within 1km nagbibigay po ang Department of Agriculture ng 5,000 kada ulo ng baboy, maliban doon nag-ooffer kami ng pautang na P30,000; no interest, no collateral, payable in three years,” ani Reyes. — sa panayam ng Ratsada Balita.