Posibleng pangalanan na ng Pangulong Rodrigo Duterte ang mga telecommunications companies na gustong pumasok sa bansa, sa kanyang State of the Nation Address o SONA sa July 23.
Ayon kay Department of Information and Communications Technology o DICT Officer in Charge Eliseo Rio, ilalabas na nito ngayong Mayo ang terms of reference para mapasimulan agad ang bidding process bago ang SONA ng Pangulo.
Dalawang buwan anyang palugit ang ibibigay nila sa mga interesadong kumpanya para magsumite ng kanilang bid.
Samantala, sinabi ni Rio na imposible na nilang maabot pa ang itinakdang deadline ng Pangulo sa Marso para makapag-operate ang ikatlong telco.
—-