Dapat pa ring manindigan ang Pilipinas sa mga teritoryong kasama sa Exclusive Economic Zone (EEZ) nito.
Ito ang sinabi ni UP Institute for Maritime Affairs and Law of the Sea Director, Atty. Jay Batongbacal bilang tugon sa sinabi ni Chinese Foreign Ministry Spokesman Wang Wenbin na hindi nila tinatanggap at kinikilala ang anumang claim base sa arbitral ruling.
Ayon kay Batongbacal, hindi dapat pansinin ng Pilipinas ang pahayag ng China na labag sa international law at unclos ang arbitral ruling hinggil sa claim ng Pilipinas sa WPS.
Ginagawa lang umano ito ng China para bumitaw ang Pilipinas sa paggiit sa naturang teritoryo.
Pinayuhan din ng maritime law expert si Pangulong Ferdinand Marcos Jr., na patuloy na igiit ang the hague ruling na pumapabor sa Pilipinas.