Nagpaalala ang Department of Tourism (DOT) sa mga turistang nais bumisita sa bayan ng Banaue, Ifugao.
Ito ay kasunod na rin ng malawakang pagbaha at pagragasa ng mga putik na naranasan ng mga residente sa lugar, bunsod ng sunod-sunod na mga pag-ulan dala ng low pressure area at southwest monsoon o hanging habagat.
Ayon sa DOT, hindi na muna maaaring tuluyan ang Banaue Hotel and Youth Hotel, dahil patuloy pang iniinspeksiyon ang naturang istraktura para masigurong ligtas ang lahat ng bibisita.
