Patay ang isang 52-anyos na barangay kagawad matapos pagbabarilin ng dalawang lalaking sakay ng isang motorsiklo sa Cabanatuan City, Nueva Ecija.
Ayon kay Police Lt. Erwin Gonzales, hepe ng investigation section ng Cabanatuan City Police, nakatayo ang biktima kasama ang isa pang residente sa harap ng kanilang barangay hall sa Brgy. Magsaysay nang dumating ang mga salarin.
Dito na pinagbabaril ang biktimang hindi na pinangalanan na nagtamo ng apat na tama ng bala sa kaniyang katawan.
Mabilis na isinugod sa ospital ang biktima agad binawian din ng buhay habang ligtas naman ang isang kasama nito.
Nabatid na unang termino ng biktima bilang barangay kagawad na dati umanong kapitan ng barangay at ang pumalit sa kaniya ay ang kanyang asawa.
Sa ngayon, patuloy pang iniimbestigahan ng mga otoridad ang motibo sa krimen at pagkakakilanlan ng mga salarin na mabilis na tumakas sa hindi matukoy na diresksiyon matapos ang krimen.
