Pormal nang ipinaabot ng Department of Education (DepEd) sa Commission on Elections (Comelec) ang hirit nitong P3-K na overtime pay para sa mga gurong nagsilbi sa Halalan.
Ayon sa DepEd, nakikipag-usap na sa poll body sina Education Undersecretary for Administration Alain Del Pascua na nangunguna sa DepEd Election Task Force at Procurement Management Service Director Atty. Marcelo Bragado.
Kasama sa idinetalyeng dahilan para maaprubahan ang hirap na naranasan ng mga guro noong Hatol ng Bayan 2022 kung saan maraming Vote Counting Machines (VCMs) ang nagkaproblema at isyu sa SD cards.
Bago o pagsapit ng Mayo 24, inaasahang ilalabas na ng DepEd ang honoraria at iba pang allowance sa mga guro alinsunod sa Comelec Resolution no. 10727.
