Pinayuhan ng Department of Labor and Employment (DOLE) ang publiko na magtungo sa kanilang field at regional offices upang hindi mahirapan sa online application ng 5,000 one-time cash assistance.
Ayon kay Atty. Sarah Mirasol, director ng DOLE-NCR, maglalaan ng equipment ang ahensiya para makapag-apply online ang mga manggagawang natigil o nawalan ng trabaho dahil sa Covid-19.
Mayroong field offices ang DOLE sa Quezon City, Camanava, Caloocan, Pasig, Las Piñas at Maynila.
Nitong Lunes, nag-umpisang tumanggap ng aplikasyon ang DOLE sa pamamagitan ng kanilang website. —sa panulat ni Abby Malanday
