Bahagya nang niluwagan ang umiiral na COVID-19 restriction ang Shanghai matapos ang ilang linggong lockdown bunsod ng muling pagsirit ng COVID-19 cases.
Ayon sa awtoridad ng Shanghai, pinayagan nilang makalabas para makapag-paaraw at makalanghap ng sariwang hangin ang nasa 25 milyon nitong residente dahil wala nang naitalang COVID-19 infection sa labas ng quarantine areas sa dalawang sunod na araw.
Sa kabila nito, kasalukuyan namang naghihigpit ang siyudad ng Beijing matapos makapagtala ng COVID-19 .
Dahil dito, ipinatupad na ang mas mahigpit na social distancing rules at naglunsad na ng mass testing sa 16 nitong distrito habang suspendido na rin ang lahat ng entertainment venues at restaurant dining.
