Pinalawig hanggang Mayo 30 ang iniaalok na libreng sakay sa Metro Rail Transit Line 3 (MRT-3).
Nakatakda sanang magtapos sa katapusan ng buwan ang naturang programa na sinimulan nitong Marso 28, 2022.
Ayon sa Department of Transportation (DOTr), layon nito na makatulong sa publiko gayong patuloy ang pagtaas ng mga bilihin at petrolyo.
Paraan din ito upang mas marami pa ang makinabang sa mas pinaayos at pinagandang serbisyo matapos ang rehabilitasyon ng nasabing linya ng tren.
Mula nang ilunsad ang nasabing programa, umabot na sa kabuuang 7,227,434 pasahero ang naserbisyuhan ng libreng sakay sa MRT-3.
