Kasalukuyan nang COVID-19 free ang Bureau of Jail Management and Penology (BJMP).
Ito ay matapos gumaling na sa COVID-19 ang lahat ng preso at kanilang tauhan sa buong bansa.
Wala na ring naitalang kaso ng nasabing sakit ang BJMP simula pa noong Marso a-27.
Ayon kay BJMP Chief Jail Director Allan Iral, umaasa silang mapapanatili ang zero COVID-19 case sa kanilang hanay hanggang sa susunod na taon.
Sa ngayon kasi, pumalo na sa 126,000 mula sa 130,000 na persons deprived of liberty (PDLs) ang nabakunahan na kontra COVID-19.
Nagpaalala rin ito sa kanilang tauhan na laging sumunod sa ipinapatupad na health and security protocols sa kanilang mga tanggapan at pasilidad.