Pumalo na sa 224 mula sa 178 kahapon ang bilang ng mga nasawi dahil sa pananalasa ng bagyong Agaton.
Batay sa datos ng National Disaster Risk Reduction and Management Council (NDRRMC) kaninang alas-8 ng umaga, mula sa Eastern Visayas ang 202 na naitalang bilang ng mga namatay.
Nasa 17 naman ang kabuuang nasawi sa Western Visayas, tatlo sa Davao at dalawa sa Central Visayas.
Samantala, sumampa sa 147 mula sa 111 ang mga ini-report na nawawala habang nananatili sa 8 ang sugatan.
Nabatid na nasa mahigit dalawang milyong indibidwal o halos 600,000 pamilya ang apektado ng naturang bagyo.
