Nasawi ang 45 indibidwal sa malawakang pagbaha at pagragasa ng mga putik bunsod ng bagyo sa Port City of Durban na sakop ng Kwazulu-Natal Province sa South Africa.
Ayon sa Province’s Department of Cooperative Governance, posible pang madagdagan ang bilang ng mga nasawi dahil dumarami ang kanilang natatanggap na report mula sa ibat-ibang mga ahensiya.
Dahil sa malalakas na pag-ulan, itinigil ang operasyon ng mga tren at isinara ang aabot sa dalawampung kalsada sa timog-silangan ng nabanggit na lungsod.
Sa ngayon, patuloy pang nagsasagawa ng rescue operation ang mga otoridad sa lugar matapos umabot sa mahigit 4K tirahan ang nasira dahil sa pananalasa ng bagyo. —sa panulat ni Angelica Doctolero
