Pumalo na sa 22 ang bilang ng mga nasawi sa Baybay City, Leyte bunsod pananalasa ng bagyong Agaton.
Ayon sa mga otoridad, 21 sa mga nasawi ay mula sa Barangay Mailhi, Kantagnos, at bunga sa nasabing probinsya bunsod ng malawakang pagguho ng lupa.
Isa naman ang naitala mula sa Barangay Caranas, Motiong, sa Samar dahil sa pagkalunod habang umabot na sa 87 ang bilang ng mga nasugatan at patuloy na nagpapagaling Immaculate Conception Hospital sa Baybay.
Ayon sa National Disaster Risk Reduction and Management Council (NDRRMC), nasa 3, 700 na pamilya o 13,000 na indibidwal ang nananatili sa mga evacuation center.
Sa ngayon, nasa 195 lugar sa Visayas at Mindanao ang nananatili paring lubog sa baha kabilang na dito ang Western Visayas, Central Visayas, Eastern Visayas, Northern Mindanao, Davao Region, SOCCSKSARGEN, Caraga, at Bangsamoro Autonomous Region in Muslim Mindanao (BARMM) bunsod ng bagyong Agaton.
Patuloy namang nagsasagawa ng search and rescue operations ang mga otoridad sa mga nawawala pang indibidwal habang patuloy pang inaalam ang pagkakakilanlan sa mga biktimang nasawi.
