Ipinangako ng ilang presidential candidates ang isusulong na batas, pagtaas ng employment rate at pagsasama-sama ng mga moral values, para tugunan ang addiction ng mga Pilipino sa alak at sugal.
Sa presidential forum na pinangunahan ng Catholic Bishops’ Conference of the Philippines (CBCP), inilatag nina Vice President Leni Robredo, Senator Manny Pacquiao, Labor Leader Leody De Guzman, at dating Defense Secretary Norberto Gonzales ang kanilang plano para rito.
Para kay Robredo, dapat magkaroon ng mandato ang gobyerno upang maprotektahan ang publiko lalo na ang mga kabataan.
Isa na rito ang pagpapataw ng age requirement sa pag-inom at mataas na tax sa mga addictive products.
Para naman kay Pacquiao, mas mabuting ituro sa mga pilipino ang moral values upang maiwasan ang pagkagumon sa alak at sugal.
Ang kahirapan at walang trabaho naman ang nakikitang dahilan ni De Guzman, kaya kailangan muna itong solusyunan.
Samantala, ang social cost ng alcoholism at gambling ang nakikitang problema ni Gonzales sa isyu. – sa panulat ni Abby Malanday