Nadakip ang isang lalaki matapos makuhanan ng mahigit P300K ng hinihinalang shabu sa Parañaque City.
Kinilala ang suspek na si alyas ‘johnny’ 53 anyos.
Batay sa imbestigasyon, nagsagawa ng Oplan Galugad ang Parañaque Police at may isang concerned citizen umano ang nagbigay ng tip na may nangyayaring transaksyon ng ilegal na droga sa Barangay San Dionisio.
Nasamsam din kay alyas ‘johnny’ ang mahigit limampung gramo ng nasabing iligal na droga, isang coin purse at disposable lighter.
Kasong paglabag sa Republic Act 9165 isasampa laban sa suspek. - sa panulat ni Airiam Sancho
