Kinaaliwan ng netizens ang ikinasang sari-sari store shopping challenge ng aktres at fashion icon na si Heart Evangelista.
Ito ay matapos i-challenge ang aktres ng kaniyang mga followers na mamili sa isang sari-sari store.
Sa kaniyang Instagram, ibinahagi ni Heart ang video kung saan bumaba siya sa kaniyang mamahaling sasakyan para bumili ng sitsirya, biskwit at conditioner.
Hindi rin pinalampas ni Heart ang pagkakataon para ilibre ang kaniyang mga nakakasabay sa tindahan habang ang iba ay nagulat nang makasabay ang aktres.
Lubos naman ang kasiyahan ng fashion icon at sinabing naalala niya ang kaniyang childhood kasama ang kaniyang mga kapatid. —sa panulat ni Abie Aliño-Angeles
