Pinag-aaralan na ng pamahalaan ang pagpapadala ng mga medical team sa Hong Kong para magpaabot ng tulong sa mga Pilipinong tinamaan ng COVID-19.
Ayon kay OWWA Administrator Hans Leo Cacdac, nabanggit ito ni Labor Secretary Silvestre Bello III sa pulong nitong Martes.
Dapat aniya ay magkaroon ng maayos na koordinasyon sa Hong Kong Authority lalo at nasa pangangalaga na ng isolation facilities ang OFWs na COVID positive.
Base sa huling tala, nasa mahigit 70 na ang dinapuan ng virus.
Walo umano ang admitted sa ospital habang ang iba naman ay nasa isolation facility ng HK Government, Non-Government Organizations (NGOs) o mismong employers ng mga ito.
