Nakatakdang bumisita sa Zamboanga at Basilan si Vaccine Czar Secretary Carlito Galvez Jr., upang subukang kumbinsihin ang muslim community na magpabakuna na laban sa COVID-19.
Sa Talk to the People kagabi, ipinunto ni Galvez na naitala ang pinakamababang vaccination rate sa Bangsamoro Autonomous Region in Muslim Mindanao (BARMM) kung saan nasa 1.7 million doses pa lamang ng COVID-19 vaccine ang na-administer.
Aniya, lubhang mataas ang vaccine hesitancy sa mga nasabing lugar.
Una nang sinabi ni Pangulong Rodrigo Duterte na tumatangging magpabakuna ang mga muslim community sa Mindanao.
