Muling sinabi ni Presidential Adviser for Entrepreneurship Joey Concepcion na ibaba pa sa Alert Level 1 ang quarantine status ng National Capital Region (NCR) pagsapit ng Marso upang mas mapalakas ang pagbangon ng ekonomiya ng Pilipinas
Aniya, ito’y dahil matagal nang on-and-off ang sitwasyon ng ekonomiya sa bansa.
Sinabi pa ni Concepcion na dapat isailalim na sa Alert Level 1 ang Metro Manila at iba pang lugar dahil bumababa na ang naitatalang mga kaso ng COVID-19.
Samantala, sakaling ibaba sa naturang Alert Level ang NCR sa susunod na buwan, posible aniyang lumago ang Gross Domestic Product sa 6%.—sa panulat ni Airiam Sancho
